Practica di psicologia Raja

Papiaments

Practica di psicologia Raja ta ofrece tratamiento profesional adapta na bo problemanan, nececidadnan y bo deseonan. Durante e tratamento bo lo sia tocante bo comportacion,  tocante bo pensamentonan o  sentimentonan y con bo lo por confrontanan hunto. Nos ta utilisa diferente estilonan di terapia, por ehempel e terapia cognitivo-conductual. Cada persona ta unico, Cada problema ta unico y tambe sin duda, cada tratamento mester ta unico.

Practica di psicologia Raja ta mantene contacto cu diferente gemeente ron di nos: Den Haag, Delft, Zoetermeer, Leidschendam-Voorburg, Westland, Pijnacker Nootdorp, Voorschoten, Wassenaar, Rijwijk y Midden-Delfland. Ta brinda asistencia sanitario mental basico pa hoben y adolescente te cu 18 acu ta cay bou di e seguro basico. E  asistencia mental pa adulto tambe ta wordo cubri atarvez di e Seguro basico.

Tratamiento pa mucha.

Mucha ta gusta hunga. Nan por sorprende adulto door percibi e mundo rond di nan den tal manera. Pues, e por ta hopi desconcentrante ora un mucha no ta comporta su mes bon na cas, cu amigonan of na scol. Esaki por ocasiona inkietud den mayornan y tambe lo por trece confusion pa e mucha. Como mayornan por ta dificil pa compronde kico ta sosode den nan cabes chikito y por ta dificil tambe pa ajusta e strategianan di criansa pa asina satisface e nececidadnan pa e desaroyo di e mucha.

Nos ta compronde e dificultadnan aki y nos ta considera cu nos trabou ta consisti den yuda abo como mayor y bo yiu pa compronde cierto problema mas miho y con pa enfrentanan. Nos ta di opinion e ta super importante pa mehora e conexion entre mayor y yiu. Nos lo papia cu e mucha y e personan rond di e mucha. Nos lo purba di comprende plenamente con e situacion problematico aki a surgi , of kico a ocaciona un retraso den e desaroyo di e mucha. Hunto nos lo por crea un caminda pa asina brinda e solucion apropia pa e mucha.

Tratamiento pa adolescente.

Como adolescente e mundo ta ey mes, banda di bo pia.  Abo y bo amigonan ta purbando haya boso luga den e mundo aki. Pues, tin biaha bo lo haya e sentimiento cu cosnan ta bay hopi lihe rond di bo y bo ta sinti sorprendi. Den e fase aki di bida, e cambio lihe ey cu bo ta experencia ta atractivo, pero e por bin acompaa cu hopi tension y e posibilidad cu bo ta duda di bo identidad. Ademas Por existi duda di kico ta combini abo mas y te hasta con abo como adolescente por enfrenta diferente etapa di bo bida.

Nos obhetivo principal ta yuda bo obtene un vision general di bo bida y pa bo sigui e stem den bo interior. Nos ta confia den bo individualmente y nos ta kere cu abo sa lo cual c uta miho pa bo mes. Door di comprende bo mes, conectando bo mes cu bo historia, hunto nos lo forma e caminda pa un miho futuro

Tratemiento pa adulto.

E posibilidadnan di bida den nos sociedad ta grandi pero nan ta acompaa di desafionan. Tur adulto ta di acuerdo con dificil bida por ta y luchanan cu tin cu enfrenta pa por obtene e balance desea. Den e mundo actual, hopi adulto ta enfrenta problemanan psicologico. E problemenan aki no ta aperece di un dia pa otro. Nan ta e resultadonan di lucha, patronchinan negativo y door di asociacion cu hende: p.e famia, amigo y colega. Por pasa cu algo ta bay malo, cu bo ta wordo despidi di trabou, bo a perde un ser keri of cu nan a dianostica bo un enfermedad. Tambe tin aspectonan cu ta bay bon manera cu cosnan ta floreciendo na trabou, un casamento of e nacemento di un yiu. Nos tey pa bo.

Nos ta compronde cu tur adulto den diferente manera ta enfrenta e tipo di dificultad nan aki den bida y cu por ta bo ta sinti bo mes ta bay atras tin ora. Den e momentonan aki bida ta purba bisa nos algo y hunto nos lo enfrenta con nos lo por cambia tur e aspecto negatibo ey y bay den un direccion positivo pa bo continua bo caminda den bida.